FORCA e ka si objektiv thelbësor të ekzistencës së saj ruajtjen, kultivimin dhe nxitjen e trashëgimisë sonë të pasur kulturore e folklorike dhe beson se kjo trashëgimi e çmuar jo vetëm që i duhet përcjellë e pasur dhe e plotë brezave të tjerë, por mund të shërbejë njëherazi edhe si një instrument i vlefshëm zhvillimi. Prandaj FORCA do të nxisë ringjalljen e prodhimeve të artizanatit, prodhimin masiv të produkteve tradicionale e suvenirëve që të shërbejë si mbështetje edhe ndaj industrisë së turizmit. Disa prej fushave ku mund të zhvillohet zejtaria dhe të marrë përmasa domethënëse ekonomike janë argjendaria, qëndistaria, produktet e tezgjahut si qilimat e sixhadetë, punimet e drurit, punimet e hekurit, bakrit të rrahur, gdhendjet e gurit dhe trikotazhi.
Industria e artizanatit
